CABILLONUM seu CABILONUM

CABILLONUM, seu CABILONUM

Cabillo Aeduorum, Cabillonia, Strab. l. 6. Καβύλλιον, Ptol. Καβυλλίανον, urbs Gall. Celticae ampla et probe culta, cum duplici muro et ponte lapideo ad Ararim. Episcopalis sub Archiepiscopo Lugdunensi. Distat a Matiscone 11. leucis, ut et ab Augustoduno, 8. a confinio Comitatus Burgundiae. Vulgo Chalon sur Saone, et tractus adiacens Bresse Chalonoise. Cum arce permunita. Urbis huius saepe Caesar meminit, Comm. l. 7. c. 42. et ult. Strabo l. 4. Amm. Marcellm. l. 15. Itineratium Antonin. Hîc negotiandi causâ Romani consistebant. Olim fedes Regum Burgundiae, et inprimis Sigismundi. A Regibus Galliae primae Familiae regno adiuncta, rum Monetâ insignis fuit, ut er nummis antiquis Regum a Merovaeo genus deducentium patet, a Chramno, filio Clotarii I. capta et destructa, reparata a Childeberto ex Hispania reduce. Gontranus Rex ibi plerumque moratus, et sepultus est. A Ludovico Pio, Comitatus titulô donata, nunc familiâ Comitum illustri exstinctâ, Episcopi titulos auget. S. Marcellus eius Apostolus, Donatianus vetustissimus Episcopus fertut, qui Concilio Coloniensi subscripsit, A. C. 346. Iulian. Balleure, Histor. de Episcop. et antiq. urhis huius. Ibi Concilium A. C. 470. et 570. quô Gontranus Rex, duos Episcopos deposuit. Gregor. Turonens. Hist. l. 5. c. 27. A. C. 603. quô instigaru Brunehildis Episcop. Viennensis pulsus est, etc. Vide Concil. tom. 4. 6. 7. 9. De illustri Principum Cabillonensium familia, vide in Arausio: De urbe vero plura apud Hadr. Vales. Notit. Gall.